Келес йўлининг Тошкент вилоятидан ўтган бир қисми таъмирлаш ишлари сабаб ёпилади, дея хабар бермоқда вилоят ҳокимлиги матбуот хизмати.
Маълум қилинишича, олиб борилаётган қурилиш-таъмирлаш ишлари муносабати билан Келес йўли кўчасининг Тошкент туманига кириш қисмидан «Ҳасанбой ота» жоме масжидигача бўлган қисми 2021 йил 14 июль куни соат 09:00 дан таъмирлаш ишлари якунлангунга қадар транспорт воситалари ҳаракати учун вақтинчалик тўлиқ ёпилади.
Ушбу йўналишда ҳаракатланадиган транспорт воситалари ҳаракати вақтинчалик туманнинг Ҳасанбой қишлоғи ҳудудидан ўтган 4Н-699 ҳамда собиқ М.Фозилов жамоа хўжалиги ҳудудидан ўтган 4Р-4 автомобиль йўллари орқали ташкил этилади.
Хабарда таъмирлаш ишлари қачонгача давом этиши ҳақида маълумот берилмаган.
Бундан аввал Тошкентда ўтказиладиган халқаро конференция сабаб айрим автобуслар йўналиши ўзгаргани ҳақида хабар берилганди.
Изоҳ (0)