Тошкент вилоятининг Оҳангарон туманида 265,7 миллион сўмлик кучли таъсир этувчи дори воситаларининг ноқонуний муомалага киритилишининг олди олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Департамент ҳамда ДБҚнинг Тошкент вилояти бошқармалари томонидан ИИБ ходимлари билан ҳамкорликда Оҳангарон туманида ўтказилган тезкор тадбирда фуқаро Х.Р. бошқарувидаги Epica кўздан кечирилганда, унинг юкхонасида ҳеч қандай ҳужжатлари бўлмаган 13 092 дона «Регапен», 15 078 дона «Перге» ва 394 дона «Тропикамид» номли умумий қиймати 265,7 миллион сўмлик кучли таъсир этувчи дори воситалари мавжудлиги аниқланиб, ашёвий далил сифатида олинган.
Мазкур ҳолат юзасидан Жиноят кодексининг 186-3-моддаси (таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)