10 июль куни америкалик ҳип-ҳоп қўшиқчи Cardi B ва рэпер Offset’нинг Калче исмли қизи уч ёшга тўлди. Қизалоқ учун маликалар, турли егуликлар, рақслар ва бошқа кўплаб кўнгилочар ўйинлар билан ҳашаматли байрам тадбири уюштирилган, деб хабар беради Esquire.
Фойдаланувчиларни кўпроқ Cаrdi’нинг Калчега совғаси ҳайрон қолдирган — бешта бриллиантли безакдан иборат тақинчоқ: Hermes Birkin шакли, Chanel логотипи, Минни-маус, пушти боғичли юрак ва К ҳарфи. Экспертларнинг тахминича, бу каби тақинчоқ нархи 150 минг долларга етиши мумкин.
«Отаси мендан ўтиб кетди, лекин мен барибир ажойиб совға тайёрладим», — деб ёзади Cаrdi.
Совға ижтимоий тармоқларда кулги ва танқидларга сабаб бўлган, фойдаланувчилардан бири «Калченинг бўйнида менинг университетда бутун ўқишимга кетадиган маблағ турибди» деб ҳазиллашган.
Бошқалар совғадан ҳайратга тушган, бироқ бу каби тақинчоқ болакай учун маъқулми деган саволни ўртага ташлаган. «Бу жуда ёқимли, аммо болаларга бундай нарсалар керак эмас», — деб ёзади фойдаланувчилар.
Cardi B Twitter’да қолдирилган изоҳларга жавоб берган: «Фарзандингиз кечки овқатга музқаймоқ хоҳласа, уни берасизми? Фарзандимнинг ўйинчоқлари ҳаддан ортиқ ва у супер тарбияланган. Онаси ва отаси ажойибми, демак, болаларим ҳам шундай».
Қўшиқчининг сўзларига кўра, у болалигидаги орзуларини фарзандлари ҳаётида рўёбга чиқаришни истайди. «Нега бўлмасин? Маликалар билан базм, чекланмаган миқдордаги ўйинчоқлар, саёҳат ва бассейнлар. Фарзандим бассейнни яхши кўради, мен эса болалигимда унга беш марта борганман холос. Нафақат майизли нарсалар, балки турли таъмга эга бодроқлар ҳам», — деб ёзади у.
Эслатиб ўтамиз, 2020 йилнинг декабрида рэпер Пафф Дедди онасига 1 миллион долларлик чек ва Bentley совға қилганди.
Изоҳ (0)