«Гарри Поттер» фильми юлдузлари реал ҳаётда кимга кўнгил қўйган? (фото)

Сеҳргар болакайнинг саргузаштлари ҳақида ҳикоя қиладиган фильмдаги болалар аллақачон улғайган. Шу сабаб ҳам мухлисларга нафақат севимли қаҳрамонлари, балки уларни гавдалантирган актёр ва актрисаларнинг шахсий ҳаётидаги маълумотлар ҳам қизиқ эканига шубҳа йўқ.

Дэниэл Рэдклифф

Америкалик актриса Эрин Дарк, қайлиғи Дэниэлдан нафақат бўй жиҳатидан, балки ёш жиҳатидан (5 ёшга) ҳам катта. 2013 йил суратга олиш майдончасида танишган жуфтликнинг муносабатларига на бўйи, на ёшидаги тафовут ғов бўлолган. 2014 йилда уларнинг унаштируви ҳақида миш-миш тарқалган, аммо Эриннинг отаси декабрь ойида бу маълумотни инкор қилган. Шунга қарамай машҳурлар ҳалигача бирга ва бахтли. Актёр 2020 йилда берган интервьюда авваллари ўзини зерикарли деб ҳисоблагани, аммо Дарк билан борича экани ва қиз уни муҳокама қилмаслигини таъкидлаган.

Эмма Уотсон

Эмманинг илк севгилиси регби спорти билан шуғулланадиган Том Дакер бўлган. 17 ёшдан бошлаб у билан учрашган актриса кейинчалик муносабатларига нуқта қўйган. 2009 йилдан бошлаб эса банк ходими Жем Берримор, 2011 йилда мусиқачи Уилл Адамович билан учрашган. Кейин яна регби спортчиси Мэттью Женни билан муносабатда бўлган. Кейинроқ бир қараса шаҳзода Гарри билан ўрталарида бир гап борлиги ҳақида ҳам миш-миш тарқаган. Сўнгра ўзидан 10 ёш катта Уильям Найт билан 2017 йилгача бирга бўлган. 2018 йилда америкалик Корд Оверстрит, сал ўтиб Брендан Ириб, 2020 йилдан бошлаб эса калифорниялик тадбиркор Лео Робинтон билан учраша бошлаган. Ҳалигача бирга бўлган жуфтлик муносабатларини овоза қилишни истамайди.

Том Фелтон

Эмма Уотсон билан учрашиб юргани айтилган Том Фелтон кейинроқ россиялик модель Олга Юревич ҳамда модель ва актриса Жейд Оливия Гордон билан муносабатда бўлган. Том Жейд билан «Гарри Поттер ва тилсим-шаҳзодаси»нинг суратга олиш майдончасида танишган. Оливия актёр сабаб «Гарри Поттер ва ажал туҳфаси: 2-қисм»да Драко Малфойнинг рафиқасини ижро қилган. 7 йил бир-бири билан учрашиб юрган жуфтлик 2018 йилда ҳаммасига нуқта қўйган. Бунга Жейднинг хиёнати сабаб бўлгани айтилган. Айни вақтда актёрнинг «юраги бўш».

Руперт Гринт

Руперт Гринт ўзи гавдалантирган қаҳрамони Рон Уизли сингари ўз севгисини эрта учратган. 2011 йилдан буён Жоржия Грум билан муносабатда бўлган актёр 2020 йилда фарзандли бўлган. Руперт ва Жоржия қизига Уэнсдей деб исм қўйган.

Бонни Райт

2012 йилда «Сумерки» юлдузи Жейми Кэмпбелл билан унаштирилган Бонни кейинроқ у билан хайрлашган. Шундан кейин Уизли оиласидаги кенжа қиз қаҳрамонни гавдалантирган актриса, 2015 йилгача ўзидан 13 ёш катта Саймон Хаммерштерн билан кўришиб юрган. Айни вақтда Бонни ҳеч ким билан жиддий муносабатда эмас.