Ричард Бренсоннинг коинот чегарасига муваффақиятли парвози — суратларда
Virgin Galactic компанияси асосчиси миллиардер Ричард Бренсон 11 июль куни ўзининг VSS Unity космик кемасида суборбитал парвоз қилди. У билан бирга икки учувчи ва яна уч нафар йўловчи коинотга чиқди. Парвоз яхши ўтди — кема мўлжалланган баландликка етиб борди, йўловчилар бир неча дақиқа вазнсизлик ҳолатида бўлди, шундан сўнг VSS Unity Ерга хавфсиз қайтиб тушди. Миллиардернинг коинот чегарасига уюштирган муваффақиятли парвози ҳақида Meduza фоторепортаж тайёрлади.
Ричард Бренсон «Америка» космопортига велосипедда йўл олди.Фото: Reuters
Суборбитал парвоздан олдин Ричард Бренсонни мактаб ўқувчилари ўраб олди.Фото: AP Photo
Ракета самолётидаги йўловчиларга Ернинг бир қисми кўриниб турди.Фото: Virgin Galactic
VSS Unity йўловчилари бир неча дақиқа давомида вазнсизлик ҳолатида бўлди.Фото: Virgin Galactic
Ракета самолёти қарийб 86 км баландликка кўтарилди. АҚШнинг Аэронавтика ва коинотни тадқиқ қилиш миллий бошқармаси коинот билан чегарага қадар масофани 80 км деб ҳисоблайди. Бироқ Blue Origin Бренсоннинг парвозини космик парвоз деб аташдан бош тортди. Компания денгиз сатҳидан 100 км баландликни коинот билан шартли чегара деб билади, Халқаро авиация федерацияси ҳам худди шу позицияни қўллаб-қувватлайди.
Ерга қўнгач, Брeнсонни рафиқаси Жоан Темплман, ўғли Сем ва неваралари кутиб олди.Фото: Virgin Galactic
Қўнишдан кейин VSS Unity кемасининг экипажи. Ричард Бренсоннинг елкасида кема йўловчилардан бири Сириша Бандла.Фото: AFP
Бренсон билан бир қаторда, Virgin Galactic компаниясининг бош астронавт-инструктори Бет Мозес, эксплуатациялар бўйича етакчи муҳандис Колин Беннет ва ҳукумат билан алоқалар бўйича вице-президент Сириша Бандла суборбитал парвозда иштирок этди. Бу Мозеснинг коинотга иккинчи парвози — 2019 йил 22 февралда у ягона йўловчи бўлган.
SpaceX бош директори Илон Маск Бренсонни «ажойиб парвоз» билан табриклади, Безос эса «у ҳам клубга қўшилишни интиқлик билан кутаётганини» айтди.
Изоҳ (0)