2017—2021 йилларда углеводород хомашёси қазиб олишни ошириш бўйича чора-тадбирлар дастури доирасида, Eriell Group томонидан «Ўзбекнефтгаз» АЖ билан ҳамкорликда, Қашқадарё ва Бухоро вилоятлари, шунингдек, Қорақалпоғистон Республикасида янги қудуқлар, коллектор газ қувурлари саноат фойдаланилишига топширилди.
Хусусан, Қорақалпоғистонда Устюрт газ қазиб чиқариш бошқармаси (УГҚОБ)нинг «Шарқий Бердах» кони 69 сонли қия йўналтирилган қудуғи ишга туширилди. Диаметри 114х6 миллиметр ва умумий узунлиги 600 метр бўлган шлейфли газ қувурининг қурилиши амалга оширилди.
Шимолий Бердақ ГЙП-5 дан Шарқий Бердах ГСП, Арслон УКПГ ГЙП газ қувури уланиш нуқтасигача умумий узунлиги 6,2 километр бўлган коллектор газ қувури газ-транспорт тизимига уланди ва ишга туширилишга тайёр. Шунингдек, Қуйи Сургил ва Арслон ГЙПдан, Арслон БВН УКПГ гача, умумий узунлиги 8,2 километр бўлган коллектор газ қувури ҳам ишга туширилишга тайёр.
Бухоро вилоятида Газли НГҚЧБ «Қулбешкак» конининг 55 сонли қудуғи ишга туширилди. Қудуқ дебити суткасига 157,556 минг метр кубни ташкил этмоқда.
Диаметри 108х8 миллиметр ва умумий узунлиги 975 метр бўлган шлейфли газ қувури қурилди. Бундан ташқари, Газли НГҚЧБ «Ғарбий Ҳаққул» конининг 8 сонли қудуғи электр кимё ҳимоясига уланди.
Қашқадарё вилоятида «Зеварди» конининг 317-сонли ва Муборак НГҚЧБ «Ўртабулоқ» конининг 235 сонли қудуқлари ишга туширилди. Диаметри 168х6 миллиметр ва умумий узунлиги 818 метр бўлган шлейфли газ қувури қурилди.
«Қоратепа» конининг 22 сонли, Шўртан НГҚЧБ «Топичаксой» конининг 70-Э сонли, шунингдек, Муборак НГҚЧБ «Зеварди» конининг 308 ва 311 сонли қудуқлари электр кимё ҳимоясига уланди.
Мазкур йўналишдаги ишлар Eriell Group ва «Ўзбекнефтгаз» АЖнинг умумий саъй-ҳаракатлари билан давом эттирилмоқда.
Eriell Group матбуот хизмати
Изоҳ (0)