2017—2021-yillarda uglevodorod xomashyosi qazib olishni oshirish bo‘yicha chora-tadbirlar dasturi doirasida, Eriell Group tomonidan “O‘zbekneftgaz” AJ bilan hamkorlikda, Qashqadaryo va Buxoro viloyatlari, shuningdek, Qoraqalpog‘iston Respublikasida yangi quduqlar, kollektor gaz quvurlari sanoat foydalanilishiga topshirildi.
Xususan, Qoraqalpog‘istonda Ustyurt gaz qazib chiqarish boshqarmasi (UGQOB)ning “Sharqiy Berdax” koni 69-sonli qiya yo‘naltirilgan qudug‘i ishga tushirildi. Diametri 114x6 millimetr va umumiy uzunligi 600 metr bo‘lgan shleyfli gaz quvurining qurilishi amalga oshirildi.
Shimoliy Berdaq GYP-5 dan Sharqiy Berdax GSP, Arslon UKPG GYP gaz quvuri ulanish nuqtasigacha umumiy uzunligi 6,2 kilometr bo‘lgan kollektor gaz quvuri gaz-transport tizimiga ulandi va ishga tushirilishga tayyor. Shuningdek, Quyi Surgil va Arslon GYPdan, Arslon BVN UKPG gacha, umumiy uzunligi 8,2 kilometr bo‘lgan kollektor gaz quvuri ham ishga tushirilishga tayyor.
Buxoro viloyatida Gazli NGQChB “Qulbeshkak” konining 55-sonli qudug‘i ishga tushirildi. Quduq debiti sutkasiga 157,556 ming metr kubni tashkil etmoqda.
Diametri 108x8 millimetr va umumiy uzunligi 975 metr bo‘lgan shleyfli gaz quvuri qurildi. Bundan tashqari, Gazli NGQChB “G‘arbiy Haqqul” konining 8-sonli qudug‘i elektr kimyo himoyasiga ulandi.
Qashqadaryo viloyatida “Zevardi” konining 317-sonli va Muborak NGQChB “O‘rtabuloq” konining 235-sonli quduqlari ishga tushirildi. Diametri 168x6 millimetr va umumiy uzunligi 818 metr bo‘lgan shleyfli gaz quvuri qurildi.
“Qoratepa” konining 22-sonli, Sho‘rtan NGQChB “Topichaksoy” konining 70-E sonli, shuningdek, Muborak NGQChB “Zevardi” konining 308 va 311-sonli quduqlari elektr kimyo himoyasiga ulandi.
Mazkur yo‘nalishdagi ishlar Eriell Group va “O‘zbekneftgaz” AJning umumiy sa’y-harakatlari bilan davom ettirilmoqda.
Eriell Group matbuot xizmati
Izoh (0)