Бухорода тўртта мактабгача таълим ташкилоти ҳамда Бухоро шаҳридаги Педагогика коллежи карантинга ёпилди. Бу ҳақда «Дарё»га вилоят мактабгача таълим бошқармаси матбуот котиби Бекзод Неъматов хабар берди.
Таъкидланишича, 2021 йил 5 июль ҳолатига кўра, вилоятдаги тўртта давлат мактабгача таълим ташкилотининг 22 нафар ҳамда Бухоро шаҳридаги Педагогика коллежининг уч нафар ходимларида коронавирус инфекцияси аниқланган. Мазкур таълим муассасалари 14 кунлик карантинга олинган.«Бухоро шаҳридаги 48-сонли, Бухоро туманидаги 6, 45 ҳамда 51-сонли давлат мактабгача таълим ташкилотларида тарбияланаётган болалар саломатлиги хавфсизлигини таъминлаш мақсадида муассаса карантинга ёпилди. Айни пайтда вилоятда 440 та давлат мактабгача таълим ташкилоти бўлиб, бугунги кундаги эпидемиологик ҳолатни инобатга олган ҳолда карантин талабларига қатъий риоя этиш талаб қилинмоқда», — дейди Бекзод Неъматов.
Изоҳ (0)