Vivo компанияси учадиган камерага эга смартфонни ўйлаб топди

Vivo компанияси ечиладиган камерага эга қизиқарли патентини расмийлаштирди, деб хабар беради IXBT. Бироқ мазкур ҳолатда камера смартфондан шунчаки ажралмайди, балки оддий квадрокоптер каби уча олади ҳам.

Бунинг учун камера модулида худди квадрокоптердаги икки жуфт пропеллер мавжуд. Шунингдек, ихтирочилар унинг атрофига инфрақизил датчикларни ўрнатган бўлиб, у тўсиқлардан қочишга хизмат қилади.

Камералари сони иккита, бироқ видеога олишда улардан фақат биттаси фойдаланилади. Иккинчиси қандай мақсадларга мўлжаллангани — номаълум. «Фойдаланувчи учар модулни бошқарадиган биринчи шахсдаги видеони олиши учун бўлиши мумкин», — дейилади хабарда.

Патент — бу ҳали шу каби смартфон Vivo ассортиментида пайдо бўлишини англатмайди. Шунга қарамай, ихтиро ўзига хос ва оригинал ишланган.

Аввалроқ Xiaomi янги смартфонини патентлагани, унинг фронтал камераси махсус механизмда жойлашгани тўғрисида хабар берилганди.