Бугун,

  • USD 11095.31
  • RUB 173.84
  • EUR 10772.44

Германия мудофаа вазири Аннегрет Крамп-Карренбауэр маҳаллий АRD телеканалига берган интервьюсида Афғонистондаги операция якунлари бўйича ўз хулосалари билан бўлишди, деб ёзади «Коммерсантъ».

Германия мудофаа вазири Аннегрет Крамп-Карренбауэр

Германия мудофаа вазири Аннегрет Крамп-Карренбауэр
Фото: DW

Бундесвер (Германия Қуролли кучлари) бўлинмалари Афғонистонга 2001 йил декабрида, АҚШдаги 11 сентябрь фожиаларидан кейин кўп ўтмай юборилган эди. 20 йиллик операцияда 150 мингга яқин германиялик ҳарбий хизматчилар қатнашди, улар, асосан, Ҳиндикуш ҳудудига жойлаштирилган эди. Ҳарбий миссия чоғида Германия армиясининг 59 нафар аскари ҳалок бўлди.

«Биз Афғонистондан тезликда европача намунадаги давлатни ярата олишимиз ҳақида янглиш тасаввур уйғотдик», — деди вазир.

Ҳарбий кампания бўйича хулосаларни келтирар экан, Аннегрет Крам-Карренбауэр бўлғуси халқаро операцияларни ўтказиш чоғида «реалистик сиёсий мақсадлар» қўйиш зарурлигини таъкидлади. «Бу Малида биз биринчи навбатда ҳисобга олишимиз керак бўлган сабоқлардан бири», — деди у бундесвернинг Ғарбий Африкага жойлаштирилган бўлинмаларига ишора қилиб.

Вазир, шунингдек, Германия НАТО бўйича иттифоқдошлари билан биргаликда ислом республикасига бундан кейин ҳам ёрдам кўрсатиш усулларини қидираётганини айтди. «Бизнинг мамлакатдаги ҳарбий иштирокимиз якунига етганидан кейин ҳам биз Афғонистон томонида қолишимиз керак, — деди у. — Масалан, биз оддий фуқароларни қўллаб-қувватлашимиз мумкин».

Аннегрет Крамп-Карренбауэр айтиб беришича, ҳарбий альянс ичкарисида ҳозир НАТО қай йўл билан Афғонистон армиясини қўллаб-қувватлаши  ҳақидаги суҳбатлар олиб борилмоқда.

Германиялик аскарларнинг сўнгги гуруҳи Афғонистонни 30 июнь куни тарк этди. Германия мудофаа вазири қўшинларнинг минтақадан олиб чиқиб кетилишини «муҳим тарихий воқеа» деб атади.

Эслатиб ўтамиз, Америка ва НАТО мамлакатлари қўшинлари 29 апрелдан Афғонистондан чиқиб кетишни бошлади. Июнь ойи бошида АҚШ Афғонистондан ўз қўшинларининг учдан бир қисмини олиб чиқиб кетгани хабар берилганди. Шунингдек, Афғонистондаги НАТО миссияси тугагандан сўнг Туркия ҳарбий кучлари Кобул аэропорти хавфсизлигини таъминлашда етакчи ролни эгаллаши ҳақида АҚШ ва Туркия президентлари Жо Байден ва Ражаб Тоййиб Эрдўғон келишиб олган эди.

Associated Press хабарига кўра, АҚШ қўшинларининг асосий қисмини олиб чиққанидан кейин Афғонистонда 650 га яқин америкалик ҳарбийни қолдирмоқчи. Таъкидланишича, Афғонистонда қоладиган ҳарбийлар дипломатларнинг хавфсизлигини таъминлайди.

Изоҳ
Асосий янгиликлар
Маҳаллий
Ўзбекистонда 175 кишининг паспортига IMEI кодлари ноқонуний рўйхатдан ўтказилгани аниқланди
Дунё
Пабло Эскобар буйруғи билан портлатилган Boeing, «Невский экспресс» поездидаги теракт ва совет ҳукуматига қарши бошланган Слуцк қўзғолони. Кун хронологиясида 27 но...
Маҳаллий
Уй-рўзғор ишлари аёлларнинг иқтисодий фаоллигини туширади: Ўзбек аёлининг мартабага эришиш имкониятлари таҳлил қилинди