Тошкент шаҳар ЙҲХБга ОRА IQ русумли электромобиллар фойдаланишга топширилди, дея хабар бермоқда бошқарма матбуот хизматига таяниб «Gazeta.uz».
Ҳозирда тажриба жараёни кетмоқда. Маълумотга кўра, тажриба муддати бошқарма раҳбариятининг махсус кўрсатмаларига қадар давом этади.
Тажрибанинг мақсади ушбу транспорт воситасининг ички ишлар идораларида ишлатиладиган автоуловларга нисбатан устунлиги ёки камчиликларни ўрганишдан иборат.
Тўлиқ заряддаги қувват захираси ўртача 320−350 километрни, заряд муддати 6−7 соатни ташкил қилади.
Бундан аввал Тошкентда электромобиллар учун қувватлантириш станциялари тармоқлари пайдо бўлаётгани, Қонунчилик палатаси депутатлари хориждан олиб келинадиган электромобиллар учун тўланадиган божларни бекор қилишни маъқуллагани ҳамда Ўзбекистонга май ойида 49 та электромобил импорт қилингани ҳақида хабар берилганди.
Изоҳ (0)