O‘zbekistonga o‘tgan bir oy ichida 49 ta elektromobil import qilindi. Bu aprelda olib kelingan miqdordan 16 taga kam

O‘zbekistonga 2021-yilning may oyi davomida jami 49 ta elektromobil olib kelindi — bu aprel oyiga qaraganda 16 taga kam, deb xabar beradi Davlat statistika qo‘mitasi matbuot xizmati.

Ma’lumotlarga ko‘ra, 2021-yilning yanvar—may oylarida O‘zbekistonga xorijdan 205 ta elektromobil import qilingan. Bu ko‘rsatkich o‘tgan yilning mos davriga nisbatan 179 taga ko‘p. 2021-yilning may oyida esa 49 ta elektromobil import qilingan.

2021-yilning yanvar—may oylarida O‘zbekiston, asosan, quyidagi davlatlardan elektromobillarni import qilgan:

• Xitoy — 166 ta;
• Turkiya — 24 ta;
• Koreya — 5 ta;
• AQSH — 5 ta;
• Germaniya — 3 ta;
• Litva — 1 ta;
• Ispaniya — 1 ta.

• 2018-yilda – 13 ta;
• 2019-yilda – 39 ta;
• 2020-yilda – 131 ta.

Avvalroq O‘zbekistondagi bir nechta kompaniyalar 2021—2023 yillarda avtomobillar, pikaplar, yuk mashinalari, mikroavtobuslar va boshqa avtomobillarni ishlab chiqarish va yig‘ishni yo‘lga qo‘ymoqchi ekanligi haqida xabar berilgan edi. Prezident yiliga 50-60 ming dona hamyonbop avtomobillar va elektromobillar ishlab chiqarishni yo‘lga qo‘yib, avtomobil sanoati uchun sarmoya kiritish zarurligini ta’kidlagan edi.