Перудаги марказий соҳилбўйида 22 июнь куни кечқурун 5,8 балли зилзила содир бўлди. Бу ҳақда ABC News хабар берди.
Зилзила мамлакат пойтахти Лимада сезилган. Шаҳарнинг Тинч океан соҳилидаги йўлга тошлар қулаб тушган, жиддий талафот йўқ. Лима аҳолисининг айримлари зилзиладан ларзага тушиб, ваҳима билан уйларидан қочиб чиққан.
Перуда зилзилалар тез-тез содир бўлади, мамлакат Тинч океанининг олов ҳалқаси деб аталади. Аввалроқ Перуда 5,5 магнитудали, 6,3 магнитудали, 7 магнитудали зилзилалар қайд этилгани, табиий офат оқибатида бир неча инсонлар ҳалок бўлгани ҳақида хабар берилганди.
Изоҳ (0)