Yaponiyada bir insonning hayotini saqlab qolgan mushuk bir kunga politsiya boshlig‘i etib tayinlandi
Yaponiyaning Toyama shahridagi politsiya departamenti keksa erkakning hayotini saqlab qolgan Koko laqabli mushukni bir kunga boshqarma boshlig‘i etib tayinladi, deb xabar beradi Esquire.
2020-yilning iyunida mahalliy aholidan biri sug‘orish kanali tomon qarab turgan mushukka e’tibor qaratgan. Mushukning nigohini kuzatgan ayol u yerda bir erkak hushsiz yotganini payqab qolgan. Ta’kidlanishicha, kanaldagi suv sathi 15 santimetrga yetgani sabab erkak suvga tiqilib qolishi mumkin bo‘lgan. Mahalliy aholi zudlik bilan tez yordamga murojaat qilgan, jabrlanuvchi omon qolgan, politsiyachilar esa Kokoni mukofotlagan.
Yo‘l harakati xavfsizligi milliy kampaniyasi doirasida mushuk vaqtincha politsiya boshlig‘i vazifasini bajargan. Unga politsiya formasi va furajkasi berilgan. Koko hatto qasamyodga bitta panjasi bilan “imzo qo‘ygan”: “Bundan keyin ham sayrlarim davomida hushyor bo‘lishga tantanali ravishda qasamyod qilaman”.
Bundan tashqari, Koko Toyamadagi boshlang‘ich maktablarning birida o‘tkazilgan yo‘l harakati xavfsizligi darsida ishtirok etgan.
Avvalroq Rossiyada qop ichidan qutqarib olingan mushuk “vazir o‘rinbosari”ga aylangani to‘g‘risida xabar berilgandi.
Mavzuga doir: Sem laqabli ovcharka maxsus xizmatga tayyorlanmoqda. U yana 1,5 yil o‘qiydi, biroq hozirdan o‘zini politsiyachidek tutmoqda
