People журнали Американи яхши кўришнинг юзта сабаби рўйхатини эълон қилди ва унинг биринчи поғонасини актёр Дуэйн Жонсон эгаллади, деб хабар беради «Фильм.ru». Эндиликда актёрни бемалол миллий бойлик деб аташ мумкин. «Қоя»нинг ўзи бу каби танловдан таъсирланганини маълум қилган.
«Бу ёқимли. Ўтган йиллар давомида менга етарлича муваффақият олиб келган карьерани қуриш бахтига муяссар бўлдим. Ва мен бу каби ҳодисаларни ҳар доим қадрлайман. Ҳозирда улғайгунимга қадар кўп ишларни қилган жойим — Гавайидамиз, бироқ у пайтлар оддий Дуэйн Жонсон, мактабга қатнаши осон бўлмаган болакай эдим. Ҳеч қачон яширин орзуларимда ҳам қачонлардир People муқовасидан жой олишимни тасаввур қилмагандим, айниқса, бу каби сарлавҳа билан», — дейди Жонсон.
Шунингдек, Дуэйн Жонсон Forbes рўйхатининг энг кўп маош тўланадиган актёрлар қаторига етакчилик қилган. 2021 йилнинг февраль ойида унинг ёшлиги ҳақида «Ёш Қоя» номли сериал эфирга чиққан эди.
Аввалроқ америкаликларнинг деярли ярми Дуэйн Жонсон президентлик сайловларида иштирок этишини хоҳлаётгани, унинг ўзи эса АҚШ президентлиги сайловларида иштирок этиши мумкинлигини истисно этмагани тўғрисида хабар берилганди.
Изоҳ (0)