Ботсванада оғирлиги чорак килограммга етадиган олмос топилди. Бу ҳозирга қадар топилган дунёда катталиги бўйича учинчи ўринда турувчи қимматбаҳо тош ҳисобланади, деб хабар беради «Korrespondent.net». Мамлакат ҳукумати матбуот хизматининг маълум қилишича, олмос июнь бошида топилган, бироқ унинг тақдимоти энди амалга оширилган.
Қимматбаҳо тошнинг оғирлиги 1098,3 қиротни ташкил этади (219,6 грамм). У Ботсвана шимолидаги Дваненг конидан маҳаллий ҳукумат ва дунёдаги энг йирик олмос қазиб олувчи компаниялардан бири бўлган De Beers’нинг Debswana олмос компанияси томонидан топилган.
«Олмосни сотишдан тушган фойда мамлакатни миллий ривожлантиришга сарфланади», — дейди амалдорлар.
Таъкидланишича, бунга қадар мамлакатда 1109 қиротли ноёб олмос топилган. Леседи Ла Рона номи берилган олмос 53 миллион долларга сотилган эди.
Бироқ жаҳон рекорди Куллинан олмоси томонидан ўрнатилган бўлиб, унинг оғирлиги 3106 қиротга тенг бўлган. У 1905 йилда ЖАРда топилган. Ҳеч қачон савдога қўйилмаган олмоснинг нархи 2 миллиардга тенг. Куллинан Буюк Британия қироли Эдуард VII га совға қилинган ва тўққизта йирик ҳамда 96 та майда бриллиантларга бўлинган. Уларнинг энг йириги британ қироллиги тожидан ўрин олган.
Мавзуга доир:
Изоҳ (0)