Президент Шавкат Мирзиёев 17 июнь куни Андижон вилоятида 4 минг гектар майдонда барпо этилаётган янги шаҳар қурилишига тамал тошини қўйган эди. «Gazeta.uz» томонидан суратга олинган бўлажак шаҳарнинг чизмаси ва макетларида кам қаватли биноларнинг устунлигини кўриш мумкин.
Қайд этилишича, лойиҳа Keym турк компанияси билан ҳамкорликда ишлаб чиқилган. Лойиҳанинг ҳовлисида яшил зоналар барпо этилиши кўзда тутилган. Турар жой бинолари кварталлар шаклида жойлаштирилиши, кўчалар тор бўлиши ва улар бўйлаб автомобиллар тўхташ жойлари қурилиши режалаштирилган.
2021—2041 йилларда янги шаҳар саккиз босқичда қурилиши ва унда 450 мингдан зиёд киши истиқомат қилиши кутилмоқда. Шаҳарнинг умумий майдони 4000 гектарни ташкил этади, шундан 2 мингтасини уй-жой ва ижтимоий соҳа объектлари, саноат зоналари ва хизмат кўрсатиш объектлари эгаллайди. Яна 2000 гектар майдонда яшил майдонлар яратилади.
Турар жой бинолари кварталлар шаклида жойлаштирилиши, кўчалар тор бўлиши ва улар бўйлаб автомобиллар тўхташ жойлари қурилиши режалаштирилган.
Эслатиб ўтамиз, Президент Шавкат Мирзиёев Андижон вилояти фаоллари билан ўтказилаётган йиғилишда Андижон шаҳри таркибида Янги Андижон тумани 2022 йил 1 мартдан бошлаб ташкил этилишини маълум қилди. Янги Андижон шаҳрида ерусти метроси қурилиши ҳам мумкин.
Изоҳ (0)