Қорақалпоғистоннинг Кегайли туманида фуқаролар йўлни тўсиб қўйди, дея хабар бермоқда ЎзА.
Маълум қилинишича, туман Аҳоли бандлигига кўмаклашиш марказининг ҳисобида маблағ бўлмаганлиги боис, 2021 йилда ишсизлик нафақасини олаётган фуқароларнинг апрель—май ойлари учун бериладиган нафақа пуллари кечиккан.
Шу туфайли 20 нафар фуқаро норозилик намойиши уюштирган.
Муаммо тегишли масъуллар томонидан бартараф қилиниб, жами 218 фуқаронинг умумий 120 миллион 330 минг сўм миқдоридаги ишсизлик нафақаси Кегайли тумани Халқ банки томонидан тўлаб берилган.
Бундан аввал Навоийда икки шахс томонидан алдаб кетилган фуқаролар йўлни тўсиб, намойиш ўтказгани, Жиззахда юк ортиш талабларини бузган ҳайдовчилар норозилик билдириб, халқаро йўлни тўсиб қўйгани ҳамда Чироқчида ҳоким ваъдасини бажармагани учун «Афросиёб» поезд йўли тўсиб қўйилгани ҳақида хабар берилганди.
Изоҳ (0)