Самарқанд шаҳрида 18 июнь куни соат 16:30 ларда Lacetti автомобили ёниб кетди. Бу ҳақда вилоят ИИБ ЙҲХБ ахборот хизмати хабар берди.
Маълум қилинишича, Самарқанд вилояти Фавқулодда вазиятлар бошқармасига Рудакий кўчасида фуқаро Б.А.га тегишли бўлган Lacetti автомашинасида ёнғин содир бўлганлиги ҳақида хабар келиб тушган. Олинган хабарга асосан ёнғин жойига ёнғин-қутқарув экипажи соат 16:35 да етиб бориб, тезкор ҳаракатлар натижасида ёнғин соат 16:41 да ўчирилган. Ёнғинда жароҳат олганлар йўқ.
Ҳозирда ёнғиннинг сабаби ва зарари аниқланмоқда.
Аввалроқ Янгийўлда «КамАЗ» ёниб кетгани, Жиззах шаҳридаги газ тўлдириш шохобчасида газ шлангини узмасдан ҳаракатланиб кетган юк машинаси ёнгани тўғрисида хабар берилганди.
Изоҳ (0)