Ўзбекистон ва дунё бўйлаб 18 июнь куни олинган сара суратлар жамланмасини намойиш этамиз.

Украинанинг исёнчилар назорати остидаги Донецк шаҳридаги битирув маросимида гул ушлаб турган ҳарбий академия курсантлари.

Фото: Reuters

Андижон вилоятининг Шаҳрихон туманидаги академик лицей қаршисида яқинда фаолиятини бошлаган газ қуйиш шохобчасидаги намозхона.

Фото: «Дарё» / Миролим Исажонов

Франкфурт яқинида икки кунлик тойчоқ онасининг ёнида тик туришга ҳаракат қилмоқда.

Фото: AP Photo

Андижон шаҳар Машраб кўчасидаги «Гумбаз» кафеси олдидаги пиёдалар ўтиш жойидан ўтаётган Damas.

Фото: «Дарё»

Манхэттендаги осмонўпар бинода йога билан шуғулланаётган одамлар.

Фото: AFP

Шинжон-Уйғур автоном вилоятининг Урумчи шаҳри ташқарисидаги Чангжи шаҳридаги Синқу масжидида бузилган минора бўлаги Хитой миллий байроғи ёнида ётибди.

Фото: Reuters

Фарғонанинг Қамчиқ довонига яқин ҳудудлардан биридаги дўкон орқасида ўтиб бораётган поездга қараб турган она ва бола.

Фото: «Дарё» / Мадина Нурман

Индонезияда COVID-19 қурбонини дафн этиш учун қабр тайёрланмоқда. Жаҳон соғлиқни сақлаш ташкилоти томонидан мамлакатда касалланганлар сони кўпайиб бораётгани тўғрисидаги огоҳлантиришдан сўнг Индонезия эмлаш тадбирларини кучайтирди ва ижтимоий масофа сақлаш чораларини кўрди.

Фото: EPA

Хитойдаги «Jd.com» сайтининг курьер роботи 18 июнь куни ҳеч қандай бахтсиз ҳодисаларсиз ишлади.

Фото: EPA

Қримда кучли ёғингарчилик туфайли фавқулодда ҳолат эълон қилинди. Керчь ва Ялта шаҳрида, тахминан, 350 та уй сув остида қолди, 1,4 минг киши эвакуация қилинди. Энергия, газ ва сув таъминотида узилишлар юз берди. Ялтада бир киши вафот этди. Суратда Керчь шаҳридаги стадион.

Фото: «ТАСС»

Беш нафар раҳбари турли хорижий хизматлар билан алоқадорликда гумон қилиниб ҳибсга олинган Гонконгдаги Apple Daily газетаси 500 минг нусхада нашр этилди.

Фото: EPA

Италияда Mille Miglia ретро пойгаси давом этмоқда. Унда деярли 100 йил аввал ишлаб чиқарилган машиналар қатнашмоқда.

Фото: EPA

Керчь шаҳридаги сув остида қолган кўчаларда қайиқда юрган аҳоли вакиллари. Сув тошқинлари оқибатида шаҳарда фавқулодда ҳолат эълон қилинди.

Фото: «ТАСС»

Эронда президентлик сайловлари бўлиб ўтмоқда.

Фото: EPA

Англияда ўтказилаётган анъанавий Royal Ascot от пойгаларининг тўртинчи кунида сув ўтказмайдиган пончода келаётган томошабинлар.

Фото: PA

Фотосуратчилар сайлов участкасида Эрон Марказий банкининг собиқ раҳбари ва президентлик сайловларига номзод Абдолносир Ҳемматининг келишини кутмоқда.

Фото: AP Photo

Европанинг энг фаол вулқони бўлган Этнадан отилиб чиқаётган лава.

Фото: AP Photo

Янги Зеландия бош вазири Жасинда Ардерн Мануревадаги эмлаш марказида Pfizer вакцинаси билан эмланди.

Фото: AP Photo

Хоккайдо префектурасида ёввойи қўнғир айиқ одамлар яшайдиган мавзега келиб қолди. Расмийлар ҳайвон тўрт кишини, шу жумладан, бир аскарни жароҳатлаганидан кейин аҳолини уйдан чиқмаслик ҳақида огоҳлантирди. Кейинчалик айиқ отиб ўлдирилди.

Фото: AFP

Эронлик аёл Теҳронда президентлик сайловлари пайтида сайлов участкасида овоз беришни кутиб турибди.

Фото: Reuters

Манилада мамлакатга ноқонуний олиб кирилган ҳашаматли автомобиллар йўқ қилинди.

Фото: EPA

Жанубий Кореядаги йирик логистика марказида ёнғин содир бўлди. Жабрланганлар ёки вафот этганлар ҳақида маълумот йўқ.

Фото: EPA

Францияда Формула-1 мусобақасининг машғулот пойгалари навбатдаги босқич арафасида бошланди.

Фото: EPA

Коломбо порти яқинида портлаган MV X-Press Pearl кемасининг чўкиши. Ёнғин содир бўлганидан деярли бир ой ўтгач, Шри-Ланка пойтахти яқинида кимёвий моддалар бўлган контейнер кемаси чўкиб кетди. Кема операторининг айтишича, Сингапур байроғи остидаги X-Press Pearl энди бутунлай денгиз тубида ётади.

Фото: AP Photo

Қуддус шаҳрида аёллар жинсий зўравонликка қарши норозилик намойишларини ўтказмоқда.

Фото: EPA

Аввалги кунларнинг фотогалереялари: