Telegram’да Қашқадарёнинг Шаҳрисабз шаҳрида бўлиб ўтган ёшлар фестивалида фестиваль иштирокчилари бўлган ёшлар тадбирдан сўнг қаровсиз қолгани ҳақида видео тарқалди. Ёшлар ишлари агентлигининг вилоят бошқармаси мазкур хабарга муносабат билдириб, ёшлар ўз уйига эсон-омон етказилганини маълум қилди.
Таъкидланишича, тадбир сўнгида Нишон туманидан келган иштирокчилар автобус кечиккани сабаб қаровсиз қолдирилган.
Ёшлар ишлари агентлигининг Нишон туман бўлими бошлиғи Ойбек Бобоқуловнинг маълумот беришича, фестивалга тумандан 300 нафарга яқин иштирокчилар олиб келинган.
«Тўғри, автобус кечиккан. Аммо ҳеч ким қолиб кетмаган. Ҳамма ўз манзилига етиб олди», — дейди Ойбек Бобоқулов.
Изоҳ (0)