Гастрит, ошқозон яраси ва ошқозон-ичак трактининг бошқа касалликлари кўпинча нотўғри овқатланишдан бошланади. Ва айрим маҳсулотлар касалликнинг энг кенг тарқалган сабабчиси ҳисобланади.
Инсон саломатлиги тўғридан-тўғри овқатланиш билан боғлиқ ва бу, айниқса, ошқозон саломатлиги учун тааллуқлидир. Жуда кучли ва барқарор ошқозоннинг ҳам соғлиғини бузиши мумкин бўлган энг хавфли маҳсулотлар ҳақида биласизми? Уларни камроқ истеъмол қилишга ҳаракат қилиш ёкибутунлай рациондан чиқариб цҳлаш лозим.
Сорбит ва сунъий таъм берувчилар
Агар маҳсулот ёки ичимликнинг қадоқларида «шакарсиз» деб ёзилган бўлса, бу ушбу маҳсулот бошқаларга қараганда фойдали эканини англатмайди. Сорбит, шакар спирти деб номланган таркибни ўз ичига олган ширинликлар ошқозон учун хавфли: тана уни секин ҳазм қилади, бу эса диарея, газ ҳосил бўлиши ва шишишига олиб келади. Шифокорларнинг фикрига кўра, сорбит ёки шунга ўхшаш ширинликдан кўра бир чой қошиқ шакар истеъмол қилиш яхшироқдир.
Газли ичимликлар
Одамлар газланган ичимликлар зарари тўғрисида гапирганда, авваламбор, таркибидаги шакар миқдори юқори эканини эслайдил: уларнинг аксарияти том маънода шакар билан ҳаддан ташқари тўйинган ва ҳатто бир стакани ҳам инсулиннинг энг юқори чўққисини келтириб чиқариши мумкин. Аммо газланган шакарли ичимликлар ошқозон ва ичак соғлиғига ҳам зарарли: у шиллиқ қаватни безовта қилади, бу эса ошқозон ва ошқозон-ичак трактининг бузилишига олиб келади.
Мева шарбатлари
Шарбатлар, ҳатто янги сиқилганлари ҳам газланган ичимликларнинг альтернатив ҳисобланади. Улар шакарга жуда бой, аммо клетчаткага эмас. Бу нафақат шакарнинг қонга сингиб кетиш тезлигини бошқаришда ёрдам беради, балки ичак саломатлиги учун ҳам муҳимдир. Шарбат ўрнига янги мева ва сабзавотларни истеъмол қилиш тавсия этилади, улар анча фойдали.
Қаҳва
Агар жиғилдон қайнаши мойиллиги бўлса, қаҳвадан бутунлай воз кечиш керак. Чунки у кислота ишлаб чиқаришни келтириб чиқарадиган омиллардан биридир. Аммо ошқозон фаолияти меъёрда бўлса ҳам, шакарли қаҳва ичимликларини ичишдан тийилиш лозим. Улар ҳам шакар билан тўйинган ва ёғли пирожний билан рақобатлаша олади.
Қизил гўшт
Афсуски, қизил гўшт қанча кўп истеъмол қилинса, йўғон ичак саратони хавфи шунчалик юқори бўлади. Шифокорлар қизил гўштни ҳафтада икки мартадан кўп бўлмаган ҳолда истеъмол қилишни маслаҳат беради ва уни сабзавотли таом билан алмаштиришни тўғри деб билади.
Қовурилган егуликлар
Овқатлардан картошка, товуқ ёки ҳатто балиқни қанчалик кўп қовуриш керак бўлса, тана уни ҳазм қилиш учун кўпроқ ҳаракат қилиш керак. Агар ушбу жараён мунтазам равишда амалга оширилса, натижада ошқозон-ичак тракти ва кислота оқими ривожланиши мумкин.
Ёғсиз маҳсулотлар
Агар етарли миқдордаги соғлом ёғларни – сут маҳсулотлари, соғлом гўшт ва балиқлар, шунингдек, ёнғоқлар, ўсимлик мойларидан олинмаса – уларни шакар ёки зарарли ёғлар билан тўйинган овқатлардан олиш эҳтимоли кўпроқ.
Ловия ва ёнғоқлар
Йўқ, бу уларни бутунлай тарк этиш дегани эмас: ёнғоқ юрак саломатлиги учун зарур, ловия эса ичакнинг ишлаши учун зарур бўлган қимматбаҳо клетчатка манбайи саналади. Аммо ушбу озиқ-овқат маҳсулотларини кўп истеъмол қилиш ортиқча газ ҳосил бўлишига олиб келади, бу эса ошқозон-ичак тракти соғлиғига салбий таъсир кўрсатиши мумкин. Шундай қилиб меъёрдан ошмаслик тавсия этилади.
Олмалар
Шунга қарамай, қачон тўхтатиш кераклигини билиш жуда муҳим бўлган яна бир фойдали маҳсулот. Биринчидан, олмаларни овқатдан сўнг истеъмол қилиш керак, ҳеч қандай ҳолатда оч қоринга эмас: ушбу меваларда жуда кўп бўлган кислота шиллиқ қаватида коррозияга олиб келиши мумкин. Иккинчидан, олма таркибида бўлган фруктоза ҳам қоринни шиширади.
Изоҳ (0)