Ёз вазн ташлаш учун айни муддао, лекин яхши натижага эришиш учун шунчаки қўл қовуштириб ўтирмаслик, айрим қоидаларга амал қилиш керак.
Кўкатларни кўпроқ истеъмол қилиш
Исталган кўкат турида витамин ва фойдали компонентлар мўл-кўл бўлади. Клетчатка организмни тозалаб, микрофлора учун озуқавий муҳит яратади. Қоринни тўқ тутади ва вазн ташлашга ҳисса қўшади. Шу сабаб ҳам уларни канда қилмаслик ва салат тайёрлаб ейиш тавсия қилинади.
Оқсилга бой таомлар
Ҳужайралар ўсиши ва тикланиши учун муҳим бўлган оқсил, аъзолар, тери ва мушаклар мустаҳкамлигида аҳамиятли саналади. Фермент ва гормонлар ишлаб чиқарилишига ёрдам бериб, қоринни тўқ тутади. Айнан шу сабаб ҳам рационга оқсилга бой маҳсулотларни киритиш тавсия қилинади.
Мураккаб углеводлар
Мураккаб углеводлар организмни керакли энергия билан тўлдиради. Киноа, яшил гречка ва бошқа углеводлар секин ҳазм бўлади. Углевод ҳисобига энергияга олган организм ёғ тўплашга улгурмайди.
Овқатланиш тартибига амал қилинг
Тўғри овқатланишда қанчалик режимга яхши риоя қилинса, натижа шунчалик сезиларли бўлади. Бу эса тез вазн ташлашга ёрдам беради.
Кўпроқ мева ва сабзавотлар истеъмол қилиш
Ёз организми керакли витамин ва минераллар билан қоплаш учун энг яхши вақт. Шу сабаб ҳам одатий таомлар ўрнига кўпроқ фойдали мева ва сабзавот истеъмол қилинг.
Изоҳ (0)