Гилос ва апельсиндан яхна десерт тайёрлаймиз

Цитрус ҳамда мавсум мевасидан ёзнинг иссиқ кунида салқинлик бахш этувчи муздаккина ширинлик тайёрлаб кўришни тавсия этамиз.

Керакли маҳсулотлар:

• апельсин – 1 дона;
• гилос – 600 грамм;
• шакар – 100 грамм;
• сув – 240 мл;
• бальзамик сирка – 2 ош қошиқ;
• туз.

1. Апельсин пўсти қирғичдан ўтказилади ва ўзидан 80 мл шарбат сиқиб олинади.
2. Гилос блендер ёрдамида туз, шакар ва апельсин пўсти билан майдаланади.
3. Мевали аралашма апельсин шарбати ва сув билан аралаштирилади ва 5-10 дақиқага қолдирилади.
4. Аралашма элакдан ўтказилиб, сирка билан аралаштирилади.
5. Идиш қопқоғи ёпилиб, музлаткичга қўйилади.
6. 3-5 соатга музлаткичга қўйилган ширинлик ҳар 35-45 дақиқада санчқи ёрдамида аралаштирилиб турилади.
7. Истеъмол қилишдан аввал ширинлик бироз кўпиртирилади.