Yozning jazirama issiq kunida muzdek shirinliklar ayni muddao. Ushbu desert mazali bo‘lishi bilan birga salqinlik ham baxsh etadi.
- achchiq shokolad – 200 gramm;
- sut – 100 ml;
- qaymoq – 350 ml;
- malina – 350 gramm;
- shakar – 2 osh qoshiq;
- shakar upasi – 2 osh qoshiq;
- suv – 2 osh qoshiq.
Sut ilitiladi, lekin qaynatilmaydi. Ustidan shakar upasi qo‘shilib, yaxshilab aralashtiriladi.
Issiq sutga qora shokolad qo‘shilib, eriguncha aralashtiriladi.
Qaymoq ko‘pirtiriladi. Ustidan oz-ozdan shokolad va sutli aralashma quyiladi. Tayyor bo‘lgan muss muzlatkichga 1 soatga qo‘yiladi.
Idishda suv bilan shakar qaynatiladi. Shakar to‘liq eriganidan so‘ng malina qo‘shiladi. 5-10 daqiqa davomida qaynatib olinadi.
Suzgich yordamida malina pyuresi suzib olinadi. So‘ngra stakanga shokoladli muss solinadi, ustidan malina siropi quyilib, muss yuzasi ta’bga ko‘ra bezatiladi.
