Сабзавотли қайиқча — қўзиқорин ва товуқ гўштли қовоқча рецепти

Сабзавотли қайиқчадаги қўзиқорин, пиёз ва товуқ гўшти мускат ёнғоғи ва қаймоқ билан ажойиб таъм ҳосил қилади.

Керакли маҳсулотлар: 

• қовоқча ёки сукини — 2-3 та;
• пиёз — 2 та;
• шампинон қўзиқорини — 250 г;
• товуқ филеси — 200 г;
• картошка крахмали — 1 чой қошиқ;
• ўсимлик мойи — 1-2 ош қошиқ;
• майдаланган ёнғоқ — ¹⁄₃ чой қошиқ;
• 10 фоизли қаймоқ — 200 мл;
• пишлоқ — 150 г;
• майдаланган мурч;
• туз.

1. Қовоқчани иккига бўлиб, қайиқча ҳосил бўлиши учун ўртасини ўйиб олинг.
2. Туз сепиб, 10-15 дақиқага қолдиринг.
3. Пиёзни тўрт бўлакка бўлиб, майда қилиб тўғранг
4. Қўзиқорин ва товуқ гўштини ҳам майда тўғраб, крахмал қўшинг.
5. Қовоқчани қуритиб, ёғ суртинг. 200 даража қизиган печга ўйилган томонини тепага қаратиб, 15-20 дақиқа пиширинг.
6. Унгача қизиган ёғда пиёз ва қўзиқоринни қовуринг. Кейин унга товуқ гўштини қўшиб, қовиринг.
7. Сўнгра туз, мурч ва майдаланган ёнғоқ солинг.
8. Қаймоқ қуйиб, қайнатинг. Ичидаги маҳсулотлар пишгунча бироз димланг.
9. Печдан қовоқчаларни олиб, ичига начинкани солинг ва устига пишлоқни қирғичдан чиқариб сепинг.
10. Пишлоқ эриши учун қовоқчаларни яна 10 дақиқага печга қўйинг.