Жазирамада инсон ўзини яхши ҳис қилишига ёрдам берадиган самарали 5 усул
Иссиқ кунда тетик, энергияга тўла бўлишингизга ёрдам берадиган тавсияларни эътиборингизга ҳавола қиламиз.
Ҳаво ўтказадиган кийим кийинг
Ҳаво ўтказадиган матодан тикилган либосларни кийинг. Бундай кийим-кечаклар нафақат танани исиб кетмаслигига ҳисса қўшади, балки организм аҳволини ҳаво ҳарорати рекорд даражада баланд бўлган кўрсаткичларда ҳам меъёрда ушлашга ёрдам беради. Бугунги кунда бундай матодан тикилган шу билан бирга ўзига хос бичимли либосларни топиш ҳам мушкул эмас. Дастлаб пахта, лён ва вискоздан тикилган кийим моделларига эътибор қаратинг.
Сув ичишни канда қилманг
Йилнинг барча мавсумида, айниқса жазирамада сув ичишни канда қилманг. Бу кун давомида 20 стакан сув ичиш кераклигини билдирмайди. Организм айниқса тери намлигини сақлаш учун кунлик меъёрнинг ўзи кифоя. Шунингдек, спорт билан мунтазам равишда спорт билан шуғулланганда ва иссиқ ҳавода терлаганда 8 стакандан кўпроқ сув ичиш керак. Асосийси сув баланси меъёрда бўлишига эътибор қаратиш керак.
SPF кремдан фойдаланиш
SPF кремдан мунтазам равишда фойдаланиш организмни ҳолдан тойишдан ҳимоя қиладиган асосий қоида ҳисобланади. Қолаверса, ушбу воситадан нафақат иссиқ ҳаво балки бошқа мавсумларда ҳам фойдаланиш керак. Асосийси унинг тўғрисини танлашда эътиборли бўлиш: восита ҳаддан ортиқ суюқ, қуюқ ёки ёғли бўлмаслиги керак. Акс ҳолда поралар тўлиб қолиши тери намланишини блоклаб қўйиши мумкин.
Тунги парвариш воситаларини унутинг
Жазирамада иложи борича қуюқ парвариш воситаларидан фойдаланмаган яхши. Қуюқ крем ва зардобларни ишлатманг, аммо уйқудан аввал терини намлантириш кераклигини унутманг. Тун терининг тикланиши учун энг яхши вақт, чунки айнан бу пайтда регенератив жараён ҳар доимгидан ҳам жадалроқ бўлади.
Музли ва совуқ воситалардан фойдаланишда меъёрни билинг
Тананинг қизиб турган қисмига муз солинган пакет қўя кўрманг. Бунинг ўрнига пулс текшириладиган тана қисмлари масалан, билак, бўйин ёки чаккага қўйинг. Бу усул билан тананинг совиш жараёнини тезлаштиришингиз мумкин.
