Тошкентда 3—7 июнь кунлари кузатилган иссиқ об-ҳаво янги рекордларни ўрнатди, деб хабар бермоқда «Ўзгидромет».
«Ўзгидромет» 3—7 июнь кунлари Ўзбекистонга Эрон ҳудудларидан иссиқ ҳаво массалари кириб келиши, ҳаво ҳароратининг кескин кўтарилиб кетиши ва ўртача суткалик ҳаво ҳароратининг шу кунлар учун хос бўлгани иқлимий меъёр қийматларидан 7-10 даража юқорилаши тўғрисида маълум қилганди.
Қайд этилишича, шу кунлари кузатилган ҳарорат уч аср аввалги рекорддан юқори бўлди.
Хусусан, 2021 йил 6 июнь куни ҳарорат 42,6 даража иссиқ бўлди. Бунга қадар шу кундаги юқори ҳарорат 1811 йилда қайд этилган ва 38,5 даража иссиқ бўлган. 7 июнь куни эса ҳарорат 40,8 даражагача кўтарилди. Унга қадар шу кундаги максимал кўрсаткич 1894 йилда кузатилган ва 39,7 даража иссиқ бўлган.
Эслатиб ўтамиз, Ўзбекистонда 31 майдаги ҳарорат ҳам мутлақ максимумга етганди.
Изоҳ (0)