O‘zbekistonda 31-maydagi harorat mutlaq maksimumga yetdi

O‘zbekistonda 31-may kunduz kuni uchun havo haroratining mutlaq maksimum darajasi qayd etildi, deb yozmoqda “O‘zgidromet”.

“O‘zgidromet” meteorologik stansiyalari ma’lumotlari bo‘yicha ushbu kecha-kunduz uchun maksimal havo harorati quyidagicha bo‘ldi:

• Nukus — 41,2 daraja, bu 2015-yilga nisbatan 1,7 darajaga yuqori (39,5 daraja)
• Urganch — 42,9 daraja, bu 1933-yilga nisbatan 3,5 darajaga yuqori (39,4 daraja)
• Buxoro — 43 daraja, bu 1967-yilga nisbatan 2,7 darajaga yuqori (40,3 daraja)
• Navoiy — 41 daraja, bu 1961-yilga nisbatan 0,5 darajaga yuqori (40,5 daraja).

Eslatib o‘tamiz, 31-maygacha O‘zbekistonda juda issiq — 43 darajagacha issiq ob-havo saqlanib qolishi ma’lum qilingandi. Haroratning bunday yuqori qiymatlari absolyut maksimum qiymatlarga yaqinlashishi, ayrim tumanlarda undan yuqori bo‘lishi aytilgandi.

Mavzuga doir: O‘zbekistonda 2-iyun kuni harorat 43 darajagacha issiq bo‘ladi