Тошкентнинг Олмазор туманидан оқиб ўтувчи Дамаши каналида Наманган вилоятида истиқомат қилувчи 16 ёшли йигит чўкиб кетди. Бу ҳақда «Замон» информацион дастурида маълум қилинди.
ФВВ матбуот котиби Самандар Ҳикматуллаевнинг сўзларига кўра, йигит қўлларини канал сувида ювмоқчи бўлганида эҳтиётсизлиги оқибатида сувга тушиб кетган. Гувоҳлар зудлик билан воқеа тўғрисида қутқарув хизматига хабар берган. Айни пайтда ФВВ ходимлари томонидан қидирув ишлари олиб борилмоқда.
«Тошкентда сувда чўкиш ҳолатлари кўпинча бошқа вилоятлардан келган — талабалар ёки шу ерда ишлаш учун келган фуқаролар билан содир бўлади. Бунинг сабабларидан бири уларнинг ҳудуднинг табиий географиясини ёки сув чуқурлигини билмаслигидир», — деган ФВВ матбуот хизмати раҳбари.
Аввалроқ Тошкент шаҳридан оқиб ўтувчи Анҳор каналида чўкаётган қизни қутқарган эркакнинг ўзи сувга чўкиб кетгани ҳақида хабар берилган эди.
Изоҳ (0)