Ижтимоий тармоқларда тарқалган сурат ва видеоларидан кейин машҳурликка эришган ҳинд юлдузлари ҳақида маълумот бериб ўтамиз.
Прия Пракаш Варриэр
Интернетда «Фантастик севги/Oru Adaar Love» фильмида Прия Пракаш Варриэр ижросидаги қаҳрамон қизнинг кўзини қисган саҳнаси акс этган қисқа парча тарқалганидан кейин актриса юлдузга айланди-қолди. Шундан кейин мухлислар қалбидан жой олган қизнинг Instagram’даги кузатувчилари 7 миллионга етган ва шартнома имзолаш бўйича таклифлар келиб туша бошлаган.
Ширли Сетиа
Ширли YouTube каналида машҳур қўшиқларга куйланган кавер-версияларни жойлаган. Тўсатдан видеолари тарқалган қизга омад кела бошлаган. Ёқимтой қизга эътибор берган продюсерлар уни суратга тушишга таклиф қилган. Эндиликда у «Никамма» номли дебют фильмида Шилпа Шетти ва Абхиманю Дассани билан бирга суратга тушади.
Сайма Хусейн Мир
Бундан бир неча йил аввал Шоҳрух Хоннинг суратида селфига тушган қиз одамлар эътиборини тортган. Гўзаллиги билан ўзига мафтун қилган Сайма бир зумда ижтимоий тармоқларда машҳурликка эришган. Шундан кейин унга турмушга чиқиш ҳам таклиф қилинган ҳатто.
Санжана Санги
«Бечора қалб» фильмида Сушант Сингх Ражпут билан бирга суратга тушган Санжана аввалроқ «Hindi Medium» лойиҳасида иштирок этган бўлган. Аммо 2021 йил IMDb версиясига кўра Санжана ҳинд фильмлари ва веб-сериалларининг асосий юлдузига айланган.
Диша Патани
Диша «Диҳони: Айтиб бўлмас ҳикоя» фильмидан кейин машҳурликка эришган. Ижтимоий тармоқларда кузатувчилари мўл бўлган актриса мухлислари билан суратларини бўлишишда давом этади. Бугунги кунда Instagram’даги энг ёш ҳинд юлдузларидан бири ҳисобланади.
Изоҳ (0)