Анжелина Жолининг ҳатто энг содиқ мухлисини ҳам ҳайратга соладиган қизиқарли фактлар

4 июнь куни 46 ёшни қаршилагани муносабати билан Голливуднинг энг кўп ҳақ тўланадиган актрисаси Анжелина Жоли ҳақида қизиқарли маълумотлар бериб ўтамиз.

Жоли актрисанинг иккинчи исми. Анжелина ҳақиқий фамилияси — Войтдан отаси билан тортишиб қолганидан кейин воз кечган. Болалигида илон ва калтакесакларни йиғиб юришни яхши кўрган актрисанинг севимли ҳайвони Владимир лақабли калтакесак ва Гарри Дин Стентон лақабли илон бўлган.

Беверли-Хиллзн мактабида ўқиган Анжелинани мактабдошлари ҳаддан ортиқ озғинлиги, кўзойнак ва брикети сабаб калака қилган. Ота-онаси ажрашгани оиланинг молиявий аҳволига таъсир қилмай қолмаган. Шунинг ҳисобига Жолининг оддий кийиниб юришига тўғри келган.

У карьерасини бошлаши билан дарҳол омади келмаган. Юзидаги мунг асос қилиб кўрсатилиб аксарият ҳолларда кастингларда унга рад жавоби берилган. Муваффақиятсиз фильмда суратга тушган вақти актриса бор-йўғи 17 ёшда бўлган. Ушбу фильм экран юзини кўрганидан кейин ҳафсаласи пир бўлган Жоли 1 йил давомида кастингларда қатнашмаган.

Танқидчилар томонидан ижобий баҳо берилган «Жиа» номли фильмни эса муваффақиятли чиққан деб айтса бўлади. Ушбу роли учун у «Олтин Глобус»ни қўлга киритган. Ушбу мукофотни нишонлаётган чоғида актриса Randolph Duke’дан кийган кўйлаги билан ҳовузга сакраган.

Rolling Stones гуруҳи етакчиси Мик Жаггер «Anybody Seen My Baby?» клипига суратга тушгандан кейин Анжелинага ошиқ бўлган. 1999 йилда «Ҳаётдан узилган» фильмидаги ижроси эса учинчи марта «Олтин Глобус» ва «Энг яхши иккинчи даражали актриса» сифатида «Оскар» олишига сабабчи бўлган. Тақдирлаш маросимида иштирок этиш учун актриса суратга олиш ишларини ташлаб, Мексикадан қайтиб келган. Мукофотни қўлга киритганидан кейин эса дарҳол ортга қайтиб кетган. Жоли «Чарлининг фаришталари» фильмида суратга тушиш учун таклиф қилинган. Аммо Лара Крофтнигавдалантиришни афзал билган актриса таклифга рад жавоб берган.

Анжеланинг чап елкасида аждар татуировкаси бор бўлиб, кейинчалик унга иккинчи турмуш ўртоғи Билл Боб Торнтоннинг исми қўшилган. Жуфтлик бир-бири билан бир неча ой учрашганидан кейин оила қурган ва 2 йилдан кейин ажрашиб кетган. Шундан кейин актриса Бобнинг исмини елкасидан ўчиртириш учун шифохонага 5 марта ташриф буюрган. Эски татуировка ўрнига актриса 6 нафар фарзанди ва собиқ турмуш ўртоғи Бред Питтнинг географик координатасини туширган.

Шунингдек, онаси ва укасининг исмининг бош ҳарфини ҳам татуировка қилиб туширган. Иқтибосларни яхши кўрадиган Анжелина энг севимлиларини танасига муҳрлашни ҳам афзал билган. Қолаверса, татуировка қилиб туширилган Рим рақамидаги саналар ҳам мавжуд. Чап елкасининг пастки қисмига туширилган XIII рақами унинг хурофотга ишонмаслигига ишора қилади. V МCМХЛ эса Унистон Черчилнинг сўзлаган машҳур нутқ санаси билан боғлиқ.

Анжелина матбуот котиби йўқ машҳурлардан саналади. У ОАВ вакиллари билан мустақил мулоқот қилади. Катта ўғли Меддокс самолётларга қизиққани сабаб 2004 йилда Жоли учувчи лицензиясини олган.

Бред Питт билан тўйи куни Анжелина фарзандлари чизган сурати билан безатилган кенг бичимли либос кийган. Бред Питт эса ўша куни бўйинбоғ тақишни эсдан чиқарган. «Малифисента» фильми ижодкорлари кичик Аврора роли учун жажжи қаҳрамон топишга анча қийналган. Болаларнинг ҳеч бири Малифисента билан мулоқотга кириша олмаган. Аммо Вивен билан бундай бўлмаган. Бунга қаршисидаги қаҳрамон гримдалигига қарамай, унинг онаси эканлигини билиб тургани сабаб бўлган.

Аввалроқ Жоли Яман аҳолисига ёрдам бериш учун лимонад сотаётган 6 яшар болаларга хайрия қилган. BBC News каналида уларнинг кампанияси ҳақида хабар топган актриса болаларга лимонад сотиб ололмаслигидан афсусда экани аммо ёрдам бера олиши мумкинлиги ёзилган хат юборган. Анжелина кимлигини билмаган болаларга ота-оналари актриса ижросидаги фильмларни кўрсатган.