Ijtimoiy tarmoqlarda tarqalgan surat va videolaridan keyin mashhurlikka erishgan hind yulduzlari haqida ma’lumot berib o‘tamiz.
Priya Prakash Varrier
Internetda “Fantastik sevgi/Oru Adaar Love” filmida Priya Prakash Varrier ijrosidagi qahramon qizning ko‘zini qisgan sahnasi aks etgan qisqa parcha tarqalganidan keyin aktrisa yulduzga aylandi-qoldi. Shundan keyin muxlislar qalbidan joy olgan qizning Instagram’dagi kuzatuvchilari 7 millionga yetgan va shartnoma imzolash bo‘yicha takliflar kelib tusha boshlagan.
Shirli Setia
Shirli YouTube kanalida mashhur qo‘shiqlarga kuylangan kaver-versiyalarni joylagan. To‘satdan videolari tarqalgan qizga omad kela boshlagan. Yoqimtoy qizga e’tibor bergan prodyuserlar uni suratga tushishga taklif qilgan. Endilikda u “Nikamma” nomli debyut filmida Shilpa Shetti va Abximanyu Dassani bilan birga suratga tushadi.
Sayma Xuseyn Mir
Bundan bir necha yil avval Shohrux Xonning suratida selfiga tushgan qiz odamlar e’tiborini tortgan. Go‘zalligi bilan o‘ziga maftun qilgan Sayma bir zumda ijtimoiy tarmoqlarda mashhurlikka erishgan. Shundan keyin unga turmushga chiqish ham taklif qilingan hatto.
Sanjana Sangi
“Bechora qalb” filmida Sushant Singx Rajput bilan birga suratga tushgan Sanjana avvalroq “Hindi Medium” loyihasida ishtirok etgan bo‘lgan. Ammo 2021-yil IMDb versiyasiga ko‘ra Sanjana hind filmlari va veb-seriallarining asosiy yulduziga aylangan.
Disha Patani
Disha “Dihoni: Aytib bo‘lmas hikoya” filmidan keyin mashhurlikka erishgan. Ijtimoiy tarmoqlarda kuzatuvchilari mo‘l bo‘lgan aktrisa muxlislari bilan suratlarini bo‘lishishda davom etadi. Bugungi kunda Instagram’dagi eng yosh hind yulduzlaridan biri hisoblanadi.
Izoh (0)