Ўзбекистонда 7 июнь куни яна 199 кишида коронавирус тасдиқланди, деб хабар берди Соғлиқни сақлаш вазирлиги матбуот хизмати. Бу кўрсаткич 6 июнь куни 242 нафар, 5 июнь куни 286 нафар, 4 июнь куни 238 нафарни ташкил этганди.
Янги касалланиш ҳолатларининг
- 5 нафари Қорақалпоғистон Республикасида,
- 7 нафари Андижон вилоятида,
- 5 нафари Бухоро вилоятида,
- 4 нафари Жиззах вилоятида,
- 19 нафари Қашқадарё вилоятида,
- 3 нафари Навоий вилоятида,
- 6 нафари Наманган вилоятида,
- 22 нафари Самарқанд вилоятида,
- 5 нафари Сирдарё вилоятида,
- 3 нафари Сурхондарё вилоятида,
- 3 нафари Фарғона вилоятида,
- 4 нафари Хоразм вилоятида,
- 3 нафари Тошкент вилоятида,
- 110 нафари Тошкент шаҳрида
Вазирликнинг қўшимча қилишича, сўнгги суткада Қорақалпоғистонда 14 нафар, Андижонда 24 нафар, Қашқадарёда 12 нафар, Навоийда 2 нафар, Наманган 4 нафар, Самарқандда 63 нафар, Сурхондарёда 4 нафар, Фарғонада 8 нафар, Тошкент вилоятида 83 нафар ҳамда Тошкент шаҳрида 54 нафар бемор тузалиб, касалликдан соғайганлар жами 98 129 нафарга етди ва соғайиш кўрсаткичи 96 фоизни ташкил этмоқда.
Шунингдек, 3 нафар коронавирусга чалинган бемор вафот этиб, касалликдан вафот этганлар сони 699 нафарни ташкил қилмоқда. Айни пайтда тиббиёт муассасаларида 3335 нафар бемор даволаняпти.
Эслатиб ўтамиз, 2021 йилнинг 6 май куни ҳам Ўзбекистонда бир кунда 3 киши коронавирус асоратлари оқибатида вафот этган эди.
Изоҳ (0)