O‘zbekistonda 6-iyun kuni yana 242 kishida koronavirus tasdiqlandi, deb xabar berdi Sog‘liqni saqlash vazirligi matbuot xizmati.
Foto: SSV matbuot xizmati
Yangi kasallanish holatlarining
- 11 nafari Qoraqalpog‘iston Respublikasida,
- 4 nafari Andijon viloyatida,
- 13 nafari Buxoro viloyatida,
- 7 nafari Jizzax viloyatida,
- 2 nafari Navoiy viloyatida,
- 6 nafari Namangan viloyatida,
- 23 nafari Samarqand viloyatida,
- 3 nafari Sirdaryo viloyatida,
- 5 nafari Surxondaryo viloyatida,
- 4 nafari Farg‘ona viloyatida,
- 1 nafari Xorazm viloyatida,
- 48 nafari Toshkent viloyatida,
- 115 nafari Toshkent shahrida
koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan. Shunday qilib, mamlakatda koronavirusga chalingani rasman tan olinganlar soni 101 964 nafarga yetdi.
Vazirlikning qo‘shimcha qilishicha, so‘nggi sutkada Buxoroda 12 nafar, Navoiyda 2 nafar, Namanganda 2 nafar, Farg‘onada 1 nafar, Toshkent shahrida 130 nafar bemor tuzalib, kasallikdan sog‘ayganlar jami 97 861 nafarga yetdi va sog‘ayish ko‘rsatkichi 96 foizni tashkil etmoqda.
Ayni paytda tibbiyot muassasalarida 3407 nafar bemor davolanmoqda.
Mamlakatda iyun oyida ham kunlik kasallanishlar soni 200 kishidan ortiq bo‘lmoqda. 5-iyun kuni 286 nafar, 4-iyun kuni 238 nafar, 3-iyun kuni 201 nafar, 2-iyun kuni 271 nafar, 1-iyun kuni 231 nafar kishida koronavirus aniqlangandi. Kunlik kasallanish bo‘yicha eng past ko‘rsatkich so‘nggi marta 31-may kuni qayd etilgan bo‘lib, o‘shanda 160 kishida koronavirus tasdiqlangandi.
