Жиноят ишлари бўйича Мирзо Улуғбек туман судида 1 июнь куни туманнинг «Чимён» маҳалласи Қорасув каналининг бўйидаги ўриндиқни синдирган фуқаро бўйича очиқ суд мажлиси ўтказилди. Бу ҳақда «Миллий тикланиш» партиясининг Халқ депутатлари Мирзо Улуғбек туман кенгаши депутати Жаҳонгир Зиёев ўзининг Telegram каналида маълум қилди.
Маълум қилинишича, айбдор судда ўз айбини тан олиб, кечирим сўраган. Суд оилавий аҳволи оғирлигини маълум қилган айбдорга БҲМнинг 2 баравари (490 минг сўм) миқдорида жарима, шунингдек, 3 сутка муддатга маъмурий қамоқ жазоси тайинлаган.
«Одамларга, давлатга яхшилик қилиш қўлимиздан келмас экан, ёмонлик қилмайлик. Хуллас, лоқайдлар, умуман, барчамиз ўзгаришимиз керак. Акс ҳолда жамиятимиз яхши томонга ўзгармайди», — деб ёзади депутат.
Изоҳ (0)