Вазирлар Маҳкамасининг 4 июндаги (352-сонли) қарори билан республикада ишлаб чиқарилмайдиган, Ўзбекистон ҳудудига олиб кирилганда божхона тўловлари ва қўшилган қиймат солиғи (ҚҚС)дан озод қилинган технологик ускуналар рўйхати тасдиқланди. Бу ҳақда Адлия вазирлигига таяниб, «Gazeta.uz» хабар берди.
Қарорга мувофиқ, ушбу рўйхатга киритилган махсус кодлари (TN VED) бўлган янги технологик ускуналарга импорт божлари ва ҚҚСни тўлаш бўйича имтиёзлар қўлланилади.
Янги технологик ускуналар деб «эркин муомалага чиқариш» божхона режимида божхона расмийлаштируви пайтида ишлаб чиқарилганига 3 йилдан ошмаган технологик ускуналарга айтилади.
676 турдаги технологик ускуналар рўйхатида қуйидагилар ҳам ўрин олган:
- ядро реакторлари;
- изотопларни ажратиш учун ускуналар ва мосламалар;
- сутга ишлов бериш ва уни қайта ишлаш ускуналари;
- нон маҳсулотлари, макарон, спагетти ёки шунга ўхшаш маҳсулотларни ишлаб чиқариш учун ускуналар;
- қандолат саноати учун ускуналар, какао кукуни ёки шоколад ишлаб чиқариш;
- гўшт ёки парранда гўштини қайта ишлаш ускуналари;
- ипларни бўяш машиналари;
- автоматик тикув машиналари;
- 50 дан ортиқ йўловчилар ўриндиғига эга, аммо 300 кишидан кам бўлган фуқаролик йўловчи самолётлари;
- тиббий асбоб-ускуналарнинг айрим турлари ва бошқалар.
Изоҳ (0)