Ёқимли таъмга эга юмшоққина картошкали котлетлар болажонлар ва кексалар учун ҳам маъқул келиши шубҳасиз.
Керакли маҳсулотлар:
- картошка – 800 грамм;
- тухум – 1 дона;
- сметана – 1 ош қошиқ;
- пишлоқ – 70 грамм;
- ун;
- кўкат, туз ва зираворлар.
Барча керакли маҳсулотлар ажратиб олинади.
Картошкалар тозаланиб, сувда пишириб олинади.
Пишган картошкалардан пюре тайёрланади ва битта тухум қўшиб, яхшилаб аралаштирилади.
Сўнгра пюрега туз ва зираворлар, майда тўғралган кўкат, қирғичдан ўтказилган пишлоқ ҳамда сметана қўшилади.
Тайёр бўлган аралашмадан кичик котлетчалар ясаб, унга ботириб олинади.
Қиздирилган ёғда ҳар икки томони қизаргунга қадар қовуриб олинади.
Котлетларни соус билан дастурхонга тортиш мумкин.
Ёқимли иштаҳа!
Мавзуга доир:
Изоҳ (0)