Қашқадарё вилоятининг Шаҳрисабз шаҳри ва бир қатор туманларида табиий газ таъминоти вақтинча тўхтатилади, дея хабар қилмоқда «Ҳудудгаз Қашқадарё» матбуот хизмати.
Маълум қилинишича, Муборак магистрал газ қувурлари бошқармасининг 2021 йил 1 июндаги 32-02-09/983-сонли хатига асосан, Яккабоғ магистрал газ қувури тармоғининг 7-километридаги нуқсонли қисмларини янгисига алмаштирилиш ишлари олиб борилади.
Шу муносабат билан 2021 йил 7 июнь куни соат 06:00 дан 8 июнь 18:00 га қадар, Шаҳрисабз шаҳри, Чироқчи, Китоб, Яккабоғ ҳамда Шаҳрисабз туманларида табиий газ таъминоти тўхтатилади.
Бундан аввал Ўзбекистонда 2000 дан ортиқ уй марказлаштирилган иссиқлик таъминоти тизимига уланиши ҳамда Энергетика вазирлиги сўнгги кунларда электр таъминотидаги узилишларга нима сабаб бўлаётганини маълум қилгани ҳақида хабар берилганди.
Изоҳ (0)