АҚШда eBay онлайн савдо майдончаси орқали Among Us ўйини персонажига ўхшаш McDonald’s наггетси (ёғда қовурилган товуқ филеси) 99 997 долларга сотилди, деб хабар беради Esquire.
Сотувчи Полизна ники остидаги фойдаланувчи бўлиб, унинг ёзишича, ушбу егулик бўлаги Жанубий Кореянинг BTS гуруҳига бағишланган махсус комбо-жамланмадан чиққан. Наггетс 28 май куни бошланғич 99 сент қийматида сотувга қўйилган ва товар устида 184 та ставка амалга оширилган.
Егуликнинг яроқлилик муддати 14 кунни ташкил этади. Полизна муддат ўтиб кетмасидан уни етказиб беришни ташкиллаштиришга ваъда берган. Ҳар эҳтимолга қарши сотувчи наггетсни музлатиши ва яхшилаб қадоқлашини айтган.
Наггетс савдосига ҳатто Among Us’нинг Twitter’даги расмий аккаунти ҳам эътибор қаратган.
there's a $34,443.43 among us chicken nugget on sale and i don't know how to feel about it??? but also?? i want ithttps://t.co/9I02dtWdmf pic.twitter.com/uf3bRe6dDE
— Among Us 🚀 (@AmongUsGame) June 1, 2021
Аввалроқ Америка Диснейлендида дунёдаги энг қиммат сэндвич сотувга чиқиши тўғрисида хабар берилганди.
Изоҳ (0)