Видео: 35 метр баландликда жойлашган дунёдаги «энг қўрқинчли» шаффоф бассейн

2021 йилнинг май охирларида Лондонда Sky Pool номли шаффоф тубга эга бассейн очилди, деб хабар беради Meduza.

Бассейн Сидней операси устида иш олиб борган архитекторлар томонидан лойиҳаланган бўлиб, у ердан 35 метр баландликда жойлашган ва бир қарашда икки бино томини бирлаштириб турувчи шиша кўприк кўринишига эга.

https://www.instagram.com/p/CPjFMTUHd4T/

Бассейн ичида туриб Вестминстер саройи ва London Eye чархпалагини кўриш мумкин. Маълумотларга кўра, бассейннинг остики қисмидаги шишанинг қалинлиги 30 сантиметрга, ёнлари эса 20 сантиметрга етади.

Таъкидланишича, бассейнга фақатгина ушбу кичик туманда истиқомат қилувчилар ташриф буюриши мумкин. Бинодаги квартираларнинг нархи камида 1,5 миллион доллардан бошланади.