Таиландда Сеенлада Супат исмли 11 ёшли қизалоқ ҳар ҳафта Бангкок жануби-шарқидаги ҳайвонот боғида синтезаторда мусиқа ижро этмоқда, деб хабар беради Meduza.
Таъкидланишича, мусиқий клавиш ижросини, асосан, қизиқувчан лемурлар кузатади.
Супат ўз чиқиши орқали зебралар, сурикатлар, бегемот ва ҳайвонот боғидаги бошқа жонзотларга ёлғизликни енгишга ёрдам бермоқда. Унинг фикрича, коронавирус пандемияси сабаб жорий этилган чекловлар оқибатида ҳайвонларга инсонлар билан мулоқот етишмаяпти. Шу орқали қизча эски оммавий чиқишларни қайта йўлга қўйишга уринмоқда.
Баъзида ҳайвонлар жуда яқин келиб, ҳатто мусиқа ижро этишга халақит беради, бироқ бу унга ёқади — жониворлар худди у билан бирга ўйнаётгандек. Ҳайвонот боғи маъмуриятининг таъкидлашича, мусиқа ҳайвонларнинг кайфиятига яхши таъсир кўрсатади — айримларга у ростдан ҳам ёқади, бошқалар эса камида бунга қизиқиш билдиради.
Аввалроқ Чехияда иккита турли ҳайвонот боғидаги шимпанзелар зерикмаслиги учун уларга видеоалоқа ўрнатиб берилгани тўғрисида хабар берилганди.
Изоҳ (0)