AQShda eBay onlayn savdo maydonchasi orqali Among Us o‘yini personajiga o‘xshash McDonald’s naggetsi (yog‘da qovurilgan tovuq filyesi) 99 997 dollarga sotildi, deb xabar beradi Esquire.
Sotuvchi Polizna niki ostidagi foydalanuvchi bo‘lib, uning yozishicha, ushbu yegulik bo‘lagi Janubiy Koreyaning BTS guruhiga bag‘ishlangan maxsus kombo-jamlanmadan chiqqan. Naggets 28-may kuni boshlang‘ich 99 sent qiymatida sotuvga qo‘yilgan va tovar ustida 184 ta stavka amalga oshirilgan.
Yegulikning yaroqlilik muddati 14 kunni tashkil etadi. Polizna muddat o‘tib ketmasidan uni yetkazib berishni tashkillashtirishga va’da bergan. Har ehtimolga qarshi sotuvchi naggetsni muzlatishi va yaxshilab qadoqlashini aytgan.
Naggets savdosiga hatto Among Us’ning Twitter’dagi rasmiy akkaunti ham e’tibor qaratgan.
https://twitter.com/AmongUsGame/status/1399814395119562752
Avvalroq Amerika Disneylendida dunyodagi eng qimmat sendvich sotuvga chiqishi to‘g‘risida xabar berilgandi.
Izoh (0)