Нафақат Туркия, балки бошқа мамлакатларда ҳам машҳурликка эришиб улгурган «Чуқур» сериалининг мухлислари унинг финалини кутаётган бир вақтда Show TV телеканали 4-фаслдаги энг эсда қоларли саҳналарни жамлаб видео тайёрлади.
Рейтингларда етакчилик қилган, ижтимоий тармоқларда бошланганидан буён эътибор марказида бўлган сериалнинг сўнгги қисми кейинги ҳафта эфирга узатилади.
Шу муносабат билан ижодкорлар энг яхши саҳналардан эсда қоларли видео тайёрлашга қарор қилган. Видео «Бу ҳаётда ҳамманинг ўз уйи бор, бизнинг уй эса — Чуқур. Бу шунчаки туман эмас, бутун халқнинг номи. Улар ‘Чуқур’ни Истанбулда деб ўйлашади, аммо Истанбулнинг ‘Чуқур’да жойлашганини билишмайди. Қачонлардир барча, албатта, ‘Чуқур’га қайтади», — деган сўзлар билан бошланади. Идрис Кочавалининг «Оила — ҳамма нарсанг, оиланг ёнингда бўлмаса, йўқсан, ҳеч кимсан», — деган сўзлари томошабинларни таъсирлантирмай қолмайди.
Шу кунгача иштирок этган таниқли актёрларнинг ҳам видеода кўрсатиб кетилиши сериалнинг 4-фасли давомида нималар бўлиб ўтгани ҳақида қисқача тушунча беради.
Турк сериалининг финали Show TV канали орқали 7 июнь, душанба куни Тошкент вақти билан кечки соат 22:00 да эфирга узатилади.
Мавзуга доир:
- «Чуқур» сериали юлдузи иштирокидаги «Еттинчи бўлмадаги
мўъжиза »фильм и Туркия томонидан «Оскар»га номзод қилиб кўрсатилади - Арас Булут иштирокидаги «Еттинчи бўлмадаги
мўъжиза » туркфильм и бутун дунёда машҳурликка эришмоқда - «Чуқур», «Қора ният», «Рамо». Туркия давлат
цензура ташкилоти томонидан жаримага тортилган турк сериаллари
Изоҳ (0)