Американинг машҳур Amazon.com Inc. стриминг сервиси Голливуднинг Metr-Goldwyn-Mayer киностудиясини сотиб олишини эълон қилди. Фильмлар ва телешоуларни яратиш билан шуғулланувчи холдинг нархи 8,45 миллиард долларни ташкил этади, деб хабар беради «Korrespondent.net».
Бу интернет-ритейлерга 4 мингдан ортиқ кинолента ва 17 минг телешоуси мавжуд кутубхонага эга киностудияга эгалик қилиш имконини беради.
«Amazon МGM мероси ва фильмлар каталогини сақлаб қолишга ёрдам беради ҳамда истеъмолчиларга мавжуд асарлардан кенг фойдаланиш имкониятини тақдим этади», — дейилади компания релизида.
МGM — бу Anchorage Capital Group хеж-фондининг йирик акциядори бўлиб, унинг кўрсаткичлари сўнгги вақтларда мижозлар сонининг камайгани боис ёмонлашган. Компания биринчи чоракда жами 403 миллиард доллар даромаддан 29 миллион доллар фойда кўрган.
Компания фильмлар ва телешоуларни суратга олиш билан шуғулланади. Унга «Рокки», «Терминатор», «Викинглар» каби машҳур киноленталар тегишли, шунингдек, МGM Жеймс Бонд ҳақидаги картиналар ҳуқуқига эгалик қилади.
Изоҳ (0)