Netflix компаниясининг дунё бўйлаб энг кўп томоша қилинган 10 та фильми (видео)
Netflix платформаси тақдим этган энг яхши фильмларнинг янгиланган 10 талик рўйхати эълон қилинди. Компания Зак Снайдернинг «Мурдалар қўшини» фильми икки ҳафта давомида етакчилик қилганидан кейин рўйхатни янгилаган.
Фото: Lifehacker
«Тайлер Рейк: Қутқариш операцияси» (2020)
2020 йил экран юзини кўрган мазкур фильм 99 миллион марта томоша қилинган. Унда ёлланма аскарлар қамоқда ўтирган ҳиндистонлик наркобарон ўғлини қутқариш операциясини ўтказади.
«Қуш қутиси» (2018)
2018 йилда суратга олинган мазкур фильм 89 миллион марта томоша қилинган. Одамлар гўё даҳшатли нарсани кўргандай тўсатдан ақлдан оза бошлайди ва ўзини ўлдиради. Икки фарзандли ёлғиз она тирик қолганларни қидириб ва ақл-ҳушини сақлашга ҳаракат қилади.
«Спенсер адолати» (2020)
2020 йилда экран юзини кўрган фильм 85 миллион марта томоша қилинган. Детектив жанрида суратга олинган «Спенсер адолати» фильмида қамоқдан чиққан полициячи Бостон полициясидаги коррупция билан боғлиқ вазиятни фош қилишга киришишини кўриш мумкин.
«Кўринмас олтовлон» (2019)
2019 йилда экран юзини кўрган фильм 83 миллион марта томоша қилинган. Ўз ўлимини саҳналаштирган миллиардер ёлланма аскарлар отрядига асос солади.
«Яхтадаги қотиллик / Сирли қотиллик» (2019)
Комедия ва детектив жанрида суратга олинган фильм 83 миллион марта томоша қилинган. Адам Сендлер ва Женнифер Энистон гавдалантирган жуфтлик миллиардернинг ўлимида асосий гумонланувчи бўлади.
«Боқий гвардия»
2020 йилда эфир юзини кўрган, 78 миллион марта томоша қилинган фильмда томошабинлар ёвузлик билан курашадиган, ўлимдан қўрқмас жангчилар ҳақида ҳикояни кўриши мумкин бўлади.
«Энола Холмс» (2020)
Детектив жанридаги фильм 76 миллион марта томоша қилинган. Эудора Холмс тўсатдан йўқ бўлиб қолади, Шерлок ва Майкрофт онасини ўз жонига қасд қилган деб ўйлайди. Аммо бошқача фикрда бўлган Шерлокнинг синглиси Энола, Эудорани топишга отланади.
«Куч» лойиҳаси (2020)
75 миллион марта томоша қилинган фильм детектив жанрида суратга олинган. Воқеа Янги Орлеанда содир бўлади. У ерга қабул қилинганидан кейин 5 дақиқалик куч берадиган дори воситалари келтирилади. Ким айнан қандай кучга эга бўлиши номаълум: кимдир кўринмай қолиши, бошқа бир инсон эса бир лаҳзада ўлиши мумкин.
«Тунги осмон» (2020)
75 миллион марта томоша қилинган фильмда мухлислар Жорж Клуни астроном образини гавдалантирганини кўриш мумкин. Клунининг қаҳрамони офатдан кейин Арктикадаги тадқиқот станциясида ёлғиз ўзи қолади.
«Мурдалар қўшини» (2021)
2021 йилда экран юзини кўрган фильм 75 миллион марта томоша қилинган. Лас-Вегасда зомби-апокалипсисдан кейин ёлланма гуруҳ тарихдаги энг буюк ўғриликни амалга ошириш учун карантин ҳудудига юборилади.
«Бўсалар кабинаси 2» (2020)
Фото: People Talk
66 миллион марта томоша қилинган фильм мелодрама, комедия жанрида суратга олинган. 2018 йилда суратга олинган энг машҳур романтик комедиянинг иккинчи қисмида энг яқин дугонасининг акасини севиб қолган мактаб ўқувчиси билан боғлиқ воқеалар ҳақида ҳикоя қилинади.
Изоҳ (0)