Nafaqat Turkiya, balki boshqa mamlakatlarda ham mashhurlikka erishib ulgurgan “Chuqur” serialining muxlislari uning finalini kutayotgan bir vaqtda Show TV telekanali 4-fasldagi eng esda qolarli sahnalarni jamlab video tayyorladi.
Reytinglarda yetakchilik qilgan, ijtimoiy tarmoqlarda boshlanganidan buyon e’tibor markazida bo‘lgan serialning so‘nggi qismi keyingi hafta efirga uzatiladi.
Shu munosabat bilan ijodkorlar eng yaxshi sahnalardan esda qolarli video tayyorlashga qaror qilgan. Video “Bu hayotda hammaning o‘z uyi bor, bizning uy esa — Chuqur. Bu shunchaki tuman emas, butun xalqning nomi. Ular ‘Chuqur’ni Istanbulda deb o‘ylashadi, ammo Istanbulning ‘Chuqur’da joylashganini bilishmaydi. Qachonlardir barcha, albatta, ‘Chuqur’ga qaytadi”, — degan so‘zlar bilan boshlanadi. Idris Kochavalining “Oila — hamma narsang, oilang yoningda bo‘lmasa, yo‘qsan, hech kimsan”, — degan so‘zlari tomoshabinlarni ta’sirlantirmay qolmaydi.
Shu kungacha ishtirok etgan taniqli aktyorlarning ham videoda ko‘rsatib ketilishi serialning 4-fasli davomida nimalar bo‘lib o‘tgani haqida qisqacha tushuncha beradi.
Turk serialining finali Show TV kanali orqali 7-iyun, dushanba kuni Toshkent vaqti bilan kechki soat 22:00 da efirga uzatiladi.
Mavzuga doir:
- “Chuqur” seriali yulduzi ishtirokidagi “Yettinchi bo‘lmadagi mo‘jiza” filmi Turkiya tomonidan “Oskar”ga nomzod qilib ko‘rsatiladi
- Aras Bulut ishtirokidagi “Yettinchi bo‘lmadagi mo‘jiza” turk filmi butun dunyoda mashhurlikka erishmoqda
- “Chuqur”, “Qora niyat”, “Ramo”. Turkiya davlat senzura tashkiloti tomonidan jarimaga tortilgan turk seriallari
Izoh (0)