Ўзбекистон Ташқи ишлар вазирлиги польшалик журналист Агнешка Пикулицканинг аккредитациясини узайтирмасликка қарор қилди. Бу ҳақда ТИВ матбуот котиби Юсуф Қобулжонов хабар берди.
«Al Jazeera телеканали мухбири А.Пикулицка-Вильчевска томонидан Ўзбекистон қонунчилигининг бузилиши ҳолатлари қайд этилгани сабабли Ташқи ишлар вазирлиги унинг аккредитациясини узайтирмаслик тўғрисида қарор қабул қилди», — дейилади хабарда.
Эслатиб ўтамиз, 1 февраль куни польшалик журналист Агнешка Пикулицка Рустам исмли ТИВ ходими унга тегажоғлик қилганини, шунингдек, анчадан буён ТИВда аккредитация ололмаётганини маълум қилганди. ТИВ бунга 2 февраль куни муносабат билдириб, польшалик журналистдан узр сўради ва унга тегажоғлик қилган ходимини ишдан бўшатганини маълум қилди, 3 февраль куни эса унга аккредитация берди.
Апрель ойида эса ИИВ Агнешка Пикулицкани сўнгги вақтларда содир бўлаётган воқеаларни нотўғри талқин қилишда ва ҳуқуқни муҳофаза қилиш идораларини обрўсизлантирадиган маълумотларни нашр этишда айблаган эди.
Изоҳ (0)