Ёшлар ишлари агентлиги директори Алишер Саъдуллаев Telegram канали орқали ёшлар учун «Ибрат» тиллар оромгоҳи барча тиллар бўйича босқичма-босқич ташкил этилаётганини эълон қилди.
Маълум қилинишича, оромгоҳнинг илк мавсуми инглиз тилидан бўлиб ўтади. Бунда 16 ёшдан 25 ёшгача бўлган, инглиз тилидан камида B1 даражага эга йигит-қизлар, жорий йилнинг 10 июнь санасига қадар @ibratcamp_bot манзили орқали рўйхатдан ўтиши ва ариза юбориши лозим.
Ариза юборилгандан сўнг онлайн шаклда суҳбат бўлиб ўтади. Саралаб олиш талабларига кўра, энг яхши иншо ёзган ва суҳбатдан муваффақиятли ўтган ёшлар оромгоҳда инглиз тилидан чуқурлаштирилган шаклда малака ошириш имконига эга бўлади.
Бундан аввалроқ Алишер Саъдуллаев ушбу оромгоҳни ташкил этиш учун ёшларнинг фикрини билиш мақсадида кенг қамровли сўровнома ўтказган эди.
Изоҳ (0)