Бухоро туманида содир бўлган йўл-транспорт ҳодисаси оқибатида мактаб ўқувчиси вафот этди. Бу ҳақда «Дарё»га вилоят ИИБ ЙҲХБ ахборот хизмати раҳбари Улуғбек Шукруллаев маълум қилди.
Таъкидланишича, 2021 йилнинг 21 май куни Бухоро тумани ҳудудидан ўтувчи 4Р-68 халқаро автомобиль йўлининг 6-километрида 30 ёшли А.Ғ. бошқарувида болган «ВАЗ-2107» мактабдан уйга қайтаётиб, пиёдалар йўлакчасини кесиб ўтаётган 14 ёшли вояга етмаган Ж.С.ни уриб юборган. Оқибатда тумандаги 45-мактабнинг 7-синф ўқувчиси Ж.С. воқеа жойида ҳалок бўлган.Ҳайдовчига нисбатан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Айни пайтда тергов ҳаракатлари давом этмоқда.
Аввалроқ Қорақалпоғистонда юз берган ЙТҲ оқибатида 1-синф ўқувчиси вафот этгани, Фарғонада бошқарувни йўқотган Nexia симёғочга урилиши оқибатида эса 15 ёшли бола ҳалок бўлгани хабар берилганди.
Мавзуга доир:
- Ғузорда Nexia йўлдан ўтаётган пиёдани уриб кетди. Жабрланувчи шифохонага етмай вафот этди
- Андижонда тунги чироқлар билан ёритилмаган йўлда содир бўлган ЙТҲда 22 ёшли икки йигит вафот этди
- Сирдарёда Lacetti йўлни кесиб ўтаётган пиёдани уриб юборди. Жабрланувчи воқеа жойида ҳалок бўлди
- Андижонда тезликни оширган Spark ҳайдовчиси она-бола пиёданинг ўлимига сабабчи бўлди
Изоҳ (0)